Uko wahagera

Abatalibani Bemeye Kureka Abanyamahanga Bakava muri Afuganistani.


Abanyamahanga bari hanze y'ikibuga cy'indege cya Kaboul muri Afuganistani

Abanyamahanga 200 bari muri Afuganistani, barimo Abanyamerika, biteguye guhagurukana n’indege i Kaboul. Ni nyuma y’uko uyu munsi kuwa kane, guverinema nshya y’Abatalibani yemeye ko bakurwayo nk’uko byavuzwe n’umutegetsi muri Amerika.

Izo ni zimwe mu ngendo za mbere mpuzamahanga zihaguruka ku kibuga cy’indege i Kabul kuva abarwanyi ba kiyisilamu bafashe umurwa mukuru hagati mu kwezi kwa munani. Ibi byateye akajagari mu bikorwa byari biyobowe n’Amerika byo guhungisha abanyamahanga 124000 hamwe n’Abanyafuganistani bashobora guhura n’ibibazo.

Izo ndege zirahaguruka iminsi ibiri nyuma y’uko hatangajwe guverinema y’agateganyo y’Afuganistani yiganjemo abagabo bo mu bwoko bwa Pashtun, harimo n’abakekwaho iterabwoba n’abayisilamu b’abahezanguni. Byatumye icyizere cy’amahanga ku buyobozi burushijeho gucisha make kiyoyoka.

Abatalibani bashyizweho igitutu n’intumwa yihariye y’Amerika, Zalmay Khalilzad, kugirango bareke indege zihaguruke. Umutegetsi w’Amerika utashatse ko amazina ye atangaza, yabibwiye ibiro ntaramakuru byo mu Bwongereza Reuters.

Uwo mutegetsi niyabashije kuvuga niba Abasivili b’abanyamerika n’abandi banyamahanga, bamaze iminsi baraheze mu mujyi wa Mazar-i-Sharif, kubera ko indege z’abikorera zitemerewe guhaguruka, baba bari muri abo bava i Kabul uyu munsi. (Reuters)

Facebook Forum

XS
SM
MD
LG