Uko wahagera

Abashinwa Barindwi Bafungiye i Kananga muri Kongo


Ikarata ya Congo

Muri Repubulika iharanira demokarasi ya Congo, Abashinwa barindwi batawe muri yombi kuwa gatandatu ushize. Baregwa ko bari mu gihugu badafite ibyangombwa bibemerera kuhaba. Bafungiye muri kasho y’ikigo cy’iperereza cya polisi mu mujyi wa Kananga, mu ntara ya Kasai.

Guverineri wa Kasai, Martin Kabuya, n’umuyobozi w’urwego rushinzwe abinjira n’abasohoka muri Kasai, Emmanuel Mapenzi, babitangarije ikigo ntaramakuru AFP cyo mu Bufaransa uyu munsi.

Umukoresha w’aba Bashinwa, CREC-7, ikigo cy’Ubushinwa cyubaka imihanda muri Congo, we avuga ko barengana kuko ngo bafite ibyangombwa byose.

Hagati aho, umuntu ukomoka muri Zimbabwe, umwe mu bakozi b’ikigo cyo muri Canada cyitwa Banro gicukura amabuye y’agaciro muri Congo bari barashimuswe n’aba-Mai Mai kuri 26 y’ukwa kalindwi gushize mu ntara ya Maniema, nawe yarekuwe. Ariko mugenzi we ukomoka muri Afrika y’Epfo aracyari imbohe.

Umuvugizi w’ingabo z’igihugu mu karere ka gisilikali Maniema, Capitaine Dieudonné Kasereka, yabibwiye AFP ko intumwa za leta zo mu rwego rwo hejuru zavuye i Kinshasa ziri mu mishyikirano n’aba-Mai Mai kugirango barebe nawe ko yarekurwa.

Abandi bantu babili, b’Abanyekongo, bari bafatiwe rimwe, bari barekuwe ejo kuwa kabili.

Facebook Forum

XS
SM
MD
LG