Uko wahagera

Abarenga 25 Bahitanywe n'Ibitero 2 vy'Abiyahuzi i Baghdad muri Iraki


Hamwe mu habereye ivyo bitero

Ibitero bibiri by'abiyahuzi byabereye icyarimwe mu buryo budasanzwe byahitanye abantu batari munsi ya 28 i Baghdad muri Iraki. Abarwanyi ba leta ya kiyisilamu bashobora kuba bagabye ibyo bitero bya bombe mw’isoko ry’i Baghad uyu munsi kuwa kane. Ibitero nk’ibyo byaherukana hashize imyaka nk’uko umuyobozi mu bijyanye no kurinda abasivili yabivuze.

Igisilikare cya Iraki cyavuze ko abagabye ibitero babiri bari bambaye ibyo bisasu biturikirijeho, bigahitana n’abarimo guhaha mw’isoko ryo ku rubuga rwa Tayaran i Bagdad rwagati. Uretse abo 28 cyahitanye, hari abandi 73 bakomeretse. Ntawahise avuga ko ari we wagabye icyo gitero. Cyakora kiritirirwa umutwe wa leta ya kiyisilamu.

Amakuru aturuka mu gipolisi ni uko abashinzwe umutekano ba Iraki boherejwe ku mihanda kandi iminini igafungwa, hagamijwe gukumira ibindi bitero. Ibitero nk’ibyo ntibyaherukaga mu murwa mukuru wa Iraki, kuva umutwe wa leta ya kiyisilamu uhirukanywe. Icya nyuma, nacyo cyabaye aho ku rubuga rwa Tayaran, cyahitanye abantu batari munsi ya 27 mu kwezi kwa mbere kwa 2018.

Facebook Forum

XS
SM
MD
LG