Mu myaka ibiri imaze yogoza isi, virusi ya Corona imaze guhitana abantu barenga miliyoni eshanu. Miliyoni eshanu ni wo mubare uzwi neza. Nyamara OMS (ishami ry'Umuryango w'Abibumbye rishinzwe ubuzima) ivuga ko abazira Covid bashobora kuba bawukubye kabiri cyangwa gatatu kubera abapfira iwabo bataragiye kwa muganga, abazira izindi ngaruka ziyishamikiyeho, n'ibibazo byo kutayipimisha mu bihugu bimwe na bimwe.
Leta zunze ubumwe z'Amerika iracyari ku isonga n'abantu bamaze gupfa bagera ku 746,000. Ikurikirwa na Bresil imaze gupfusha abantu bagera ku 608,000. Ubuhinde ni ubwa gatatu. Bumaze gupfusha abantu barenga 458,000.
Covid-19 ubu ni impamvu ya gatatu ihitana abantu benshi ku isi, inyuma y'indwara z'imitima n'indwara zo kuva amaraso mu bwonko. Ikigo cy'ubushakashatsi ku mahoro cy'i Oslo, muri Norvège, kivuga ko Covid-19 imaze guhitana abantu bangana n'abazize intambara zose ibihugu byarwanye hagati yabyo ku isi kuva mu 1950
Facebook Forum