Uko wahagera

Trump Araganira n'Abategetsi ba Canada na Megisike ku Kibazo c'Imisoro


Prezida Donald Trump kumwe n'umushikiranganji wa mbere wa Canada
Prezida Donald Trump kumwe n'umushikiranganji wa mbere wa Canada

Nyuma y’imisoro mishya Leta zunze ubumwe z’Amerika yashyize ku bicuruzwa bituruka mu bihugu bituranyi, Perezida Donald Trump araganira kuri uyu wa mbere na mugenzi we wa Megisike, umutegarugoli Claudia Sheinbaum, na minisitiri w’intebe wa Canada, Justin Trudeau.

Uretese Megisike na Canada, imisoro mishya iri no ku Bushinwa. Ibi bihugu bitatu ni byo bya mbere kw’isi byohereza ibicuruzwa byinshi muri Leta zunze ubumwe z’Amerika, ku buryo ibona ibihomberamo. Ni yo igura byinshi kurusha ibyo yoherezayo.

Urugero, guverinoma y’Amerika itangaza ko ikikinyuranyo cy’ibicuruzwa Amerika yaguze muri Canada n’ibyo yagurishijeyo mu mwaka ushize w’2024 kigera ku madolari miliyari 55. Ku byavuye n’ibyagiye muri Megisike mu 2023, kiragera ku madolari miliyari 153. Naho ku Bushinwa, ibyo Leta zunze ubumwe z’Amerika yaguzeyo mu 2023, biruta ibyo yagurishijeyo ho amadolari miliyari 279.

Ejobundi ku wa gatandatu, Perezida Trump yatangaje ko biva muri Megisike na Canada bizajya bisora 25%, n’10% yiyongereye ku misoro isanzwe ku biva mu Bushinwa. Iki cyemezo giratangira gukurikizwa kuri uyu wa kabiri. Megisike, Canada n’Ubushinwa nabo bahise batangaza ko bagiye gusoresha kimwe ibicuruzwa bagura muri Leta zunze ubumwe z’Amerika.

Forum

XS
SM
MD
LG