Kuri uyu wa mbere, Minisitiri w’intebe wa Canada, Justin Trudeau, yatangaje ko azava ku mirimo y’umuyobozi bw’ishyaka riri ku butegetsi nyuma y’imyaka icyenda ku butegetsi, ariko ko azaguma ku mwanya we kugeza igihe ishyaka rizahitamo umusimbura.
Trudeau arotswa cyane igitutu n’abadepite bo mw’ishyaka rye, ngo ave ku buyobozi bwaryo, bigaragaza ko ishyaka rizahonyorwa mu matora ataha. Mu kiganiro yagiranye n’abanyamakuru, Trudeau yavuze ko inteko ishinga amategeko izaba ihagaze kuzageza tariki 24 y’ukwezi kwa gatatu.
Ibyo bivuze ko amatora ashobora kutazabasha kuba mbere y’ukwezi kwa gatanu kandi ko Trudeau azaba akiri minisitiri w’intebe, ubwo Perezida watowe wa Leta zunze ubumwe z’Amerika, Donald Trump - wavuze ko imisoro izagira ingaruka ku bukungu bwa Canada, azarahirira imirimo kw’itariki ya 20 y’uku kwezi kwa mbere.
Trudeau yagize ati: "Iki gihugu gikwiye amahitamo nyayo, mu matora ataha, kandi namaze kubona neza ko niba ngomba kurwana intambara imbere mu gihugu, sinshobora kuba amahitamo meza muri ayo matora."
Trudeau w'imyaka 53 y’amavuko, yatangiye imirimo mu kwezi kwa 12 umwaka wa 2015, maze yongera gutorwa inshuro ebyiri. Byatumye aba umwe mu ba minisitiri b’intebe bamaze igihe kirekire ku buyobozi bwa Canada.
(Reuters)
Forum