Igisasu cyo mu bwoko bwa bombe cyaturikiye i Mogadishu mu murwa mukuru wa Somaliya gihitana abantu batandatu abandi 10 barakomereka mu karere ka Shabelle nkuko byemezwa n’inzego za Polisi n’ababibonye.
Icyo gisasu cyari cyatezwe mu modoka iparitse ku muhanda hafi y’inzu iberamo imikino iri mu kirometero kimwe uvuye ku biro by’umukuru w’igihugu.
Abagiteze ntibahise bamenyekana n’ubwo umutwe wa al Shabaab w’intagondwa za kiyisilamu ukunze kuba inyuma y’ibisasu nk’ibi cyangwa ibitero bigabwa n’abitwaje intwaro haba mu murwa mukuru wa Mogadishu cyangwa ahandi mu ihembe ry’Afurika.
Umuvugizi wa polisi y’igihugu ntuyakiriye telefoni y’umunyamakuru w’ibiro ntaramakuru by’Abongereza, Reuters, wari ugamije kumubaza kugira icyo abivugaho.
Ahandi mu isoko ry’aborozi mu mujyi wa Jowhar na none mu karere ka Shabelle rwagati, igisasu cya bombe cyahitanye umuntu umwe gikomeretsa abandi batatu nkuko Bashir Hassan uyobora polisi muri ako gace yabitangarije abanyamakuru.
Al Shabaab imaze imyaka iashaka guhirika ubutegetsi buriho muri Somaliya ngo ishyireho ubwayo bushingiye ku mahame n’amategeko ya kiyisilamu.
Forum