Televiziyo ya Irani yemeje ko Perezida wa Irani Ebrahim Raisi yapfuye ahitanwe n’impanuka ya kajugujugu.
Iyo mpanuka yabereye hafi y’umujyi wa Jolfa uherereyemu burasirazuba bw’igihugu hafi ya Azerbaijan.
Prezida Raisi, yari kumwe na Ministiri w’ububanyin’amahanga, Hossein Amirabdollahian, na we byemejwe ko yapfuye.
Abandi bapfuye barimo guverineri w’intara ya Azabayijani y’uburasirazuba n’abasirikari barindaga abo bategetsi.
Leta ya Irani yahise itangaza iminsi itanu y’icyunamo mu gihugu hose.
Umuyobozi w’ikirenga wa İrani Ali Khamenei, yatangaje ko Mohammad Mokhber wari visi prezida afata inshingano z’umukuru w’igihugu by’agateganyo.
Forum