Uburusiya, kuri uyu wa gatatu, bwatangaje ko bwatesheje ibitero vya misile na drone, vyakozwe na Ukraine.
Ubushikiranganji bujejwe kwivuna abansi bw’Uburusiya, kuri uyu wa gatatu, bwatangaje ko bwatesheje ivyo bitero vyari vyatewe muntara zitari nke z’Uburusiya. Bwamenyesheje ko uburyo bwayo bwo kwivuna umwansi bwasambuye misile za Ukraine 13 na drone imwe, mu karerea k’ibice vya Belgorod, igisagara gihana urubiben na Ukraine. Bwavuze kandi ko bwasambuye izindi drone 4 za Ukraine hejuru y’intara ya Saratov mu burengero bw’Uburusiya.
Bulamatari w’intara ya Saratov, Roman Busargin, yatangaje ko ata bapfuye canke ngo bakomereke muri ivyo bitero, Yavuze kandi ko atavyononywe n’ibisigarira vya drone vyaguye ku butaka.
Ni mu gihe umutegetsi mukuru ajejwe imigenderanire w’ishirahamwe ry’ubumwe bw’Ubulaya, Joseph Borrell yashikirije iciyumviro cerekeye gukoresha amafaranga avuye mu matungo y’Uburusiya yahagaritswe ku mugabane w’Ubulaya, mu ntumbero yo guha Ukraine imfashanyo za gisirikare. Yatangaje ko ayo mafranga ashobora gushika hafi’imiliyaridi 3 y’amadolari ku mwaka. (VOANEWS)
Forum