Igitero cyagabwe mw’ijoro ryakeye ku kigo gishinzwe umutekano w’imbere mu gihugu mu murwa mukuru wa Cadi, N'Djamena, cyahitanye abantu batari bake.
Ni igitero guverinema yamaganira ku mpirimbanyi z’ishyaka ritavuga rumwe n’ubutegetsi PSF riyobowe na Yaya Dillo.
Abategetsi bagize bati: “Ibintu byasubiye neza mu buryo” kandi “abakoze iki gikorwa batawe muri yombi, abandi barashakishwa kandi bazabihanirwa”.
Ibiro ntaramakuru by’Abafaransa, AFP, byatangaje ko guverinema ivuga icyo gitero cyagabwe nyuma y’uko umuyoboke w’ishyaka atawe muri yombi kandi ashinjwa “kugerageza kwica perezida w’urukiko rw’ikirenga”.
Diollo, utavuga rumwe n’ubutegetsi ntarya imirwa mu bijyanye na perezida w’inzibacyuho ya Cadi, mubyara we Mahamat Idriss Deby Itno. Yamaganye igitero kuri perezida w’urukiko rw’ikirenga, avuga ko “ari baringa”.
Icyo gitero ku kigo gishinzwe umutekano w’igihugu, kibaye umunsi umwe nyuma y’uko bitangajwe ko itora rya perezida rizaba kw’itariki 6 y’ukwezi kwa gatanu, aho Mahamat Deby Itno na Dillo, bafite umugambi wo guhangana. (AFP)
Forum