Ikigo gishinzwe amatora cya Cadi, kuri uyu wa kabiri cyemeje ko itora rya perezida rizakorwa hagati mu kwezi kwa Gatanu n’ukwa Gatandatu mu byiciro bibiri. Amajwi ya mbere yitezwe kw’itariki 7 z’ukwezi kwa karindwi hagendewe ku byo agatsiko k’abasirikare bahiritse ubutegetsi bayoboye inzibacyuho bijeje, bijyanye no kugarura ubutegetsi bugendera kuri demukarasi.
Abo bayobozi ba gisirikare bafashe ubutegetsi muri kudeta yo mu mwaka wa 2021, mbere bari bavuze ko bashobora gukoresha amatora mu mezi atarenze 18. Ariko nyuma bongereye igihe cy’inzibacyuho, kugeza kw’itariki ya 10 y’ukwezi kwa 10 muri 2024.
Mw’itangazo ryacyo, ikigo gishinzwe amatora cyagize kiti: “Ni ngombwa ko amatora akorwa mbere y’itariki ya 10 y’ukwezi kwa 10. Nyuma y’iyi tariki, igihugu cyagwa mu gihirahiro mu bijyanye n’amategeko”.
Icyiciro cya mbere cy’itora rya perezida, kizaba tariki 6 y’ukwezi kwa gatanu. Icya kabiri kizaba kw’itariki ya 22 y’ukwezi kwa 6. Icyo kigo gishinzwe amatora muri Cadi cyavuze ko kizatangaza urutonde rw’abakandida batoranyijwe n’inteko njyanama kw’itegeko nshinga, tariki 24 y’ukwezi kwa gatatu. (Reuters)
Forum