Mu mikino y'irushanwa ry’igikombe cy’Afurika mu mupira w’amaguru 2023 ibera muri Kotedivwari, ku munsi w’ejo habaye imikino itatu. Mu itsinda E Burkina Fasso yatsinze Mauritaniya igitego kimwe ku busa mu mukino wabereye kuri stade Stade de la Paix, Bouake, Namibiya itsinda Tuniziya igitego kimwe ku busa mu mukino wabereye kuri stade Amadou Gon Coulibaly, Korhogo naho Mali itsinda Afurika y’Epfo ibitego bibiri ku busa mu mukino na wo wabereye kuri stade Amadou Gon Coulibaly, Korhogo.
Uyu munsi, mu mikino yo mu itsinda rya F, Maroke irahatana na Tanzaniya kuri stade Laurent Pokou San Pedro, naho Repubulika ya Demokarasi ya Kongo ihure na Zambiya na none kuri iyo stade.
Imikino y’igikombe cy’Afurika mu mupira w’amaguru ibera muri Kotedivwari irakinirwa mu mijyi 6 yo muri icyo gihugu harimo umurwa mukuru Yamoussoukro, Abidjan, Bouake, Korhogo na San Pedro.
Amakipe 24 ku mugabane w’Afurika ni yo yitabiriye iyi mikino yagabanyijwe mu matsinda atandatu.
Forum