Inteko za Israyeri, kuri uyu wa gatatu, zishe abantu 6 mu gitero zakoze mu ntara ya Sijordaniya. Itororokanirizo ry'amamukuru ry'ubutegetsi bw'Abanyapalestina, Wafa, ni ryo ryatangaje iyo nkuru.
Iryo tororokanirizo ryatangaje ko indege y’ingwano ya Isirayeri yarashe amabombe mw’ikambi y’impunzi yitwa Nur Sharms hafi y’igisagara ca Tulkarem.
Igisirikare ca Isirayeri catangaje ko cakoze igikorwa co kurwanya iterabwoba mw’ikambi ya Nur Shams, kandi ko inteko zaco zatewe n’umurwi w’abantu bari muri iyo kampi, bakoresheje amabombe.
Inteko za Isirayeri zavuze ko indege y’ingwano yazo yateye umurwi w’abo bantu. Zongeye zimenyesha ko zahagaritse abantu 14 mu gikorwa zakoreye mw’ikambi ya Nur Shams no mu gisagara ca Hebron. Uruhagarara n’ubwicanyi vyariyongeye mu ntara ya Sijordaniya kuva Isirayeri itanguye ibitero vyayo mu ntara ya Gaza.
Ubushikiranganji bujejwe amagara y’abantu buyobowe n’umurwi Hamas bwatangaje ko abantu barenga 300 bishwe n’inteko za Isirayeri mu ntara ya Sijorudaniya hamwe n’abanya-Isirayeri bagereye muri iyo ntara. (VOANEWS)
Forum