Ishyirahamwe ry'umupira w'amaguru ryatangajeko shampiyona y'umupira w'amaguru izasubukurwa tariki 19 z'uku kwezi nyuma yo guhagarikwa igihe gito kubera ikubitwa ry'umusifuzi Halil Umut Meler.
Byari mu mukino wahuzaga amakipe MKA Ankaragucu na Caykur Rizespor yo mu cyiciro cya mbere.
Umusifuzi akimara gusifura ifirimbi irangiza umukino, prezida w'ikipe MKA, Faruk Koca, yirukanse mu kibuga atangira guhata umusifuzi amakofi nyuma yuko ikipe ye itsinzwe igitego cyo kunganya ku munota wa 97.
Umusifuzi Meler yahise ajyanywa mu bitaro.
Bikimara kuba, prezida w'ishyirahamwe ry'umupira w'amaguru muri Turkiya yahise atangaza ko imikino yose ya shampiyona ibaye ihagaze. Yavuze ko ibyakoze na Koca ari igisebo gikomeye ku mukino w'umupira w'amaguru muri Turkiya.
Kuri uyu wa kabiri ikipe MKA Ankaragucu yatangaje ko prezida wayo Koca yasezeye kuri uwo mwanya.
Forum