Umunyamabanga mukuru w'ishirahamwe mpuzamakungu, ONU, Antonio Guterres, yasavye ko haba amasezerano yo guhagarika ingwano hagati ya Isirayelri n'abarwanyi b'umurwi Hamas aho kuba agahengwe ko mu gihe gitoyi. Abivuze mu gihe abanyagihugu mu ntara ya Gaza babandanya gusinzikara kurushiriza uku umusi utashe.
Antonio Guterres agira ati: Novuga ko hari icizere muri iki gihe c’umwiza kubera ingwano. Ndafise icizere gikomeye ko agahengwe kumvikanyweko kazotuma twongereza imfashanyo zigenewe abanyagihugu baba mu ntara ya Gaza basinzikaye bikomeye. Naho hari ako gahengwe, ntibizoshoboka ko turonsa abanyagihugu bose muri Gaza ibintu vyose bakeneye vyihutirwa."
Ishirahamwe mpuzamakungu ONU ryarongereje igikorwa co gutanga imfashanyo igenewe intara ya Gaza mu kiringo c’imisi ine y’agahengwe kumvikanyweko hagati ya Isirayeri n’umurwi Hamas.
Forum