Isirayeli yatangaje ko yabonye urundi rutonde rw’abafashwe bugwate n’umutwe wa Hamas iteganya kurekura kuri iki cyumweru.
Ni umunsi wa gatatu muri ine yemeranyijweho yo guhagarika intambara. Ibiro bishinzwe guhuza ibikorwa bya gucyura abafashwe bugwate byatangaje ko inzego z’umutekano zirimo kugenzura urwo rutonde kandi imiryango yabo yamaze kumenyeshwa.
Hagati aho ministeri y’ubuzima muri Palestina iravuga ko kuri iki cyumweru ingabo za Isirayeli zarashe zikica byibuze Abanyepalistina batandatu mu ntara ya Cisjordaniya.
Kuwa gatandatu Hamas yarekuye abantu 17 barimo 13 ba Isirayeli n’Abanyathailande bane. Barekuwe haciye amasaha make Hamas ishinje Isirayeli kwica amasezerano yo guhagarika intambara ariko Isirayeli irabihakana.
Misiri na katari bihuza impande zombi babashije gusubiza Hamas kuri iki kibazo bityo yemera kubarekura ku wa gatandatu nijoro.
Forum