Umuryango w'ubumwe bw'ibihugu by'Uburayi wafatiye Uburusiya ibindi bihano bishya kubera intambara bwagabye kuri Ukraine. Nabwo bwishyuye, bushyiraho ibyabwo.
Uburayi bwari bwarashyize ibihano ku Burusiya inshuro 11 mu nzego z’ubucuruzi, ikoranabuhanga, ingufu, inganda n’igisirikare. Iki cyiciro cya 11 kigamije ahanini gukumira uburyo bwose buriho bwo kubinyura ku ruhande.
Uburayi bwongeye ibigo bishya 87, bifasha Uburusiya ku rutonde rw’ibyafatiwe ibihano. Ni ibyo mu Burusiya ubwaho, no muri Irani, Ubushinwa, Uzbekistani, Emira z’Abarabu ziyunze, Siriya, n’Armeniya. Abandi bantu n’ibigo barenga ijana nabo bongewe ku rutonde rw’abo imitungo yabo ifatiriwe.
Uburusiya nabwo bwatangaje ko bwashyizeho urundi rutonde rushya rw’abanya Burayi badashobora kubona viza. Minisiteri y’ububanyi n’amahanga y’Uburusiya ntivuga umubare wabo, ariko “barimo abo mu nzego z’umutekano, abakozi ba za leta, abashoramari n’abacuruzi, n’abadepite mu nteko ishinga amategeko y’Umuryango w'ubumwe bw'ibihugu by'Uburayi. Reuters
Facebook Forum