Ministiri w’ububanyi n’amahanga wa Arabiya Sawudite Faisal bin Farhan ari I Tehran, umurwa mukuru wa Irani mu ruzinduko rwa mbere umutegetsi w’icyo gihugu akoreye muri Iran nyuma y’imyaka irindwi umubano hagati yabyo warajemo agatotsi.
Ibi bihugu bimaze iminsi bigerageza kongera kunoza umubano wabyo. Mu ruzinduko rwe, biteganijwe ko Faisal bin Farhan ahura n’abayobozi batandukanye barimo na mugenzi we wa Irani Hossein Amir-Abdollahian mbere yuko bagirana ikiganiro n’itanganzamakuru.
Itanzagazamakuru rya Arabiya Sawudite ryavuze ko uyu mutegetsi ashobora no kugirana ibiganiro na Perezida Ebrahim Rais wa Irani.
Arabiya Sawudite igizwe n’Abayisilamu b’abasunni, yahagaritse umubano wayo na Irani mu 2016 ubwo Irani igizwe n’Abayisilamu b’abashiite yagabaga ibitero kuri ambasade ya Arabiya Sawudite I Tehran yihimura kuri Arabiya Sawudite yari imaze kwica umuvugabutumwa w’umushiite.
Mu kwezi kwa Gatatu uyu mwaka, ibi bihugu byombi bikize kuri peteroli byahisemo kongera gusubukura umubano bihujwe n’Ubushinwa. Byemeye kandi kongera gufungura z’ambasande zabyo muri buri gihugu.
Mu ntangiriro z’uku kwezi Irani yafunguye ambasade yayo na za konsula muri Arabiya Sawudite.
Facebook Forum