Uko wahagera

FMI Yemeje Infashanyo ya Miliyari 15.6 z’Amadorali Kuri Ukraine


Umuporisi hafi y'igorofa yasenyuwe n'ibitero vy'Uburusiya i Avdiivka, muri Ukraine, kw'itariki ya 17/03/2023
Umuporisi hafi y'igorofa yasenyuwe n'ibitero vy'Uburusiya i Avdiivka, muri Ukraine, kw'itariki ya 17/03/2023

Ikigega mpuzamahanga cy’imali, FMI, cyavuze ko urwego rwa cyo rw’ubuyobozi, rwemeje programu y’infashanyo irimo miliyari 15 na miliyoni 600 z’amadolari ku gihugu cya Ukraine. Izo zikubiye muri miliyari 115 zose hamwe, yo gufasha ubukungu bw’iki gihugu mu gihe kimaze umwaka n’ukwezi gihanganye n’Uburusiya kuva bukivogereye.

Hari kandi miliyari 2 na miliyoni 600 z’amadolari y’infashanyo ya Leta zunze ubumwe z’Amerika. Iyi nfashanyo ishobora kubamo uburyo bwa radari bwo gucunga ikirere, amatanki arwanya ibisasu bya roketi n’amakamyo ya lisansi kuri Ukraine mu rugamba ihanganyemo n’Uburusiya. Iyo nfashanyo byitezwe ko izatangazwa bitarenze kuwa mbere, nk’uko abategetsi b’Amerika babivuze ejo kuwa gatanu.

Umutegetsi wo mu rwego rwo hejuru wa Ukraine, yavuze ko nta gahenge na gato mu ntambara y’Uburusiya ku gihugu cye, igihe cyose ingabo z’Uburusiya zaguma ku butaka bwabo, ubu zafashe muri Ukraine.

Minisitiri w’Uburusiya w'ububanyi n’amahanga, Sergei Lavrov, yavuze ko Uburusiya bwahuye “n’igitutu cyari gisanzwe” ku mutekanwo n’iterambere rya bwo, giturutse ku bihugu yise ko atari incuti. Yabivuze, ubwo yageza kuri Perezida Vladimir Putin, amakuru mashya ku nkamba z’ububanyi n’amahanga.

Minisitiri w’ububanyi n’amahanga w’Amerika, Antony Blinken, avuga ko azakora ku buryo Uburusiya butagera ku ntwaro yise iz’ingufu kandi azashakira Ukraine abayifasha kurwanya ibitero igabwaho. Ni ubwo azaba ari mu nama y’abaminisitiri w’ububanyi n’amahanga b’ibihugu biri mu muryango wa OTAN, i Buruseri mu Bubirigi mu cyumweru gitaha, nk’uko umutegetsi yabivuze. (Reuters)

Facebook Forum

XS
SM
MD
LG