Indege za gisiriakare za Amerika zarashe ku nyubakwa zo muri Syriya zishigikiwe na Irani, inyuma y’aho indege itagira umudereva yiciye Umunyamerika
Igisirikare ca Amerika ejo ku musi wa kane mw’ijoro, cararashe muri Siriya gikoresheje indege ku mirwi y’Abanyairani baregwa ko ari bo bakoze igitero c’indege itagira umudereva drone, kikica umunyamerika yakorera sosiyete
Ico giteo cakozwe ku Banyamerika, cabereyeye ku kampi ya gisirikare y’inteko zicudise kandi zikorera hamwe na Amerika yitwa Hasakah, iri mu buraruko bushira ubuseruko bwa Siriya, ejo ku musi wa kane.
Ibiro vya Amerika bijejwe itohoza vyasanze ico gitero c’indege ya drone cavuye muri Irani. Ivyo bishobora gutuma imigenderanire hagati ya Amerika na Irani yari isanzwe yifashe nabi, itosekara gusumba.
Umushikiranganji wa Amerika ajejwe kwivuna abansi, Lloyd Austin, yavuze ko ico gitero co kwihora, cakozwe inyuma y’aho Prezida Joe Biden atangiye amategeko yo kugikora. (Reuters)
Indege za Amerika Zarashe ku Nyubakwa zo muri Siriya zishigikiwe na Irani
