Mu Misiri, abavoka bahagaritse akazi ikihe kitagenwe. Barakajwe na bagenzi babo batandatu bafunzwe. Intandaro y’iyi myigaragambyo irahera ku itariki ya 5 y’uko kwezi, mu mujyi wa Marsa Matrouh, mu majyaruguru y’uburengerazuba bw’igihugu.
Abavoka barwanye n’abanditsi b’urukiko ku mugaragaro. Ejo, batandatu muri bo bakatiwe gufungwa imyaka ibiri. Bahise bajurira. Urukiko rushobora kubaburanisha ku cyumweru.
Hagati aho ariko, urugaga rw’abavoka bo mu Misiri rusanga ifungwa ryabo “ridafite ishingiro rigaragara.” Bibaza impamvu urukiko rwihutiye kubahana kandi nta anketi zimbitse zakozwe.
Ni yo mpamvu rwatangaje ko abavoka bose bahagaritse akazi guhera kuri uyu wa kane kandi mu gihe kitagenwe. Basobanura ko batazasubira kuburana mu nkiko no kugira uruhare muri anketi zose z’ubushinjacyaha.
Mu kwezi kwa 12 gushize, nabwo abavoka bo mu Misiri bakoze imyigarambyo y’akataraboneka mu gihugu kwigaragambya bibujijwe. Bateraniye imbere y’icyicaro gikuru cy’urugaga rwabo i Kayiro, bamagana uburyo bushya leta yashyizeho bwo kwishyuza bakoresheje ikoranabuhanga. (AFP)
Facebook Forum