Indege ntoya yunguruza abantu yagize isanganya hafi y’ikibuga c'indege mpuzamakungu c’i Pokhara muri Nepal kuri uyu w’Imana, hapfa abantu bashika kuri 68.
Sudarshan Bartaula, umuvugizi w’ikompanyi Yet iyo ndege yegukira, yavuze ko yari itwaye abantu 72, barimwo abana babiri, abakozi bayo bane hamwe n’abanyamahanga 15.
Abategetsi bavuze ko ikirere cari kimeze neza igihe iryo sanganya ryaba kandi ko biteze gutora ibindi biziga mu bisigarira vy’iyo ndege.
Umushikiranganji wa mbere wa Nepal, Pushpa Kamal Dahal, yavuze ko iyo ndege yagize isanganya ivuye ku murwa mukuru, Kathmandu, yerekeza i mu gisagara ca Pokhara hagati mu gihugu.
@VOA
Facebook Forum