Ibiro bya Malawi bishinzwe kurwanya ruswa ni byo kuri uyu wa gatanu byavuze ko Visi perezida Saulos Klaus Chilima, yatawe muri yombi bitewe na ruswa imuvugwaho.
Chilima azagezwa imbere y’urukiko, aho byitezwe ko azashinjwa ibyaha bitatu, harimo imigenzereze ijyanye na ruswa, nk’umukozi wa Leta, nk’uko ibiro bishinzwe kurwanya ruswa byabivuze mw’itangazo.
Mu itangazo ryabyo, ibyo biro byagize biti: “Kw’italiki ya 25 y’ukwezi kwa 11, 2022, ibiro bishinzwe kurwanya ruswa, ACB, byataye muri yombi, Dr. Saulos Klaus Chilima…hashingiwe ku bivugwa ko hagati y’ukwezi kwa gatatu 2021 n’ukwa cumi 2021, yakiriye indonke mu buryo bw’amafaranga angana na 280,000 by’amadorari y’abanyamerika hamwe n’ibindi bintu yahawe na Zuneth Sattar, nk’ishimwe…” (Reuters)
Facebook Forum