Uko wahagera

ONU Irakeka ko Irani Yakoresheje Ingufu Zikabije mu Guhosha Imiyigaragambyo


Imyigaragambyo muri Irani

Inteko y'Umuryango w'Abibumbye ishinzwe uburenganzira bwa muntu uyu munsi yateranye byihutirwa kugirango irebe niba yakoresha anketi zo mu rwego rwo hejuru muri Irani.

Inama yabaye isabwe n’Ubudage na Islande. Umushinga w’umwanzuro wabo wari ushyigikiwe n’ibindi bihugu biranga 50. Kugirango bahuye imbara, byahagukije ba minisitiri b’ububanyi n’amahanga b’Ubudage, umutegarugoli Annalena Baerbock, na mugenzi we wa Islande, madame Þórdís Kolbrún Gylfadóttir, bigira ubwabo bwite i Geneve kuwumurikira no kuwusobanurira inama.

Mu ijambo yavuze ayifungura, komiseri mukuru w’ishami ry’Umuryango w’Abibumbye ryita ku burenganzira bwa muntu, Volker Turk, yavuze ko leta ya Irani ikoreshya ingufu z’umurengera zidakenewe ku baturage b’inzirakarengane. Yagize, ati: “Bigomba guhagarara kandi ababikora bagomba kubiryozwa. Ubutabera ni ipfundo ry’uburenganzira bwa muntu.” Volker Turk yasabye inama gutora ikemeza gishyiraho komisiyo yo mu rwego rwo hejuru yo gukora anketi.

Komiseri mukuru w’ishami ry’Umuryango w’Abibumbye ryita ku burenganzira bwa muntu Turk yavuze ko kuva mu kwezi kwa cyenda gushize leta ya Irani imaze kwica abanty barenga 300. Ariko umuryango uharanira uburanganzira bwa muntu muri Irani ukorera mu buhungiro mu gihugu cya Norvege witwa “Iran Human Rights” wo utangaza ko abamaze kwicwa ari 416, barimo abana 51.

Komisiyo yo gukora anketi izaba ishinzwe gushakisha amakuru ku bwicanyi bwa leta n’ibindi byaha byo guhohotera uburenganzira bwa muntu, no kuyashyingura neza kugirango, biramutse bibaye ngombwa, azabe intangiriro y’imanza mu nkiko. Komisiyo igomba kwita no ku byaha bishingiye ku gitsina.

Facebook Forum

XS
SM
MD
LG