Uko wahagera

Covid-19 Ikomeje Kwiyongera Mu Bihugu by'Afrika


Afurika irasabwa kongera ingufu mu bikorwa byo gupima abantu Covid 19

Ikigo cy'Afrika gishinzwe gukumira indwara z’ibyorezo, CDC Africa, kirasaba abayobozi ku mugabane w'Afurika kongera ingufu mu bikorwa byo gupima abantu Covid 19.

Umuyobozi wa CDC Africa, Muganga Ahmed Ogwell, yatangaje ko mu cyumweru gishize abantu banduye Covid-19 biyongereyeho 37 ku ijana muri Afrika.

Ntiyasobanuye ibihugu bifite ikibazo kurusha ibindi, ariko ikigo ntaramakuru AP cy’Abanyamerika kivuga ko Afrika y’Epfo iri ku isonga. Afrika y’Epfo isanzwe n’ubundi ari ya mbere yashegeshwe cyane kurusha ibindi bihugu muri Afrika.

Muri Afrika yose, abantu miliyoni 12.1, kuri miliyari 1.3 bahatuye, barwaye Covid-19 kugeza ubu 256,000 muri bo yarabishe. Naho abikingije ni 25 ku ijana bonyine gusa, nk’uko imibare ya CDC Africa ibigaragaza.

Muganga Ogwell asaba ibihugu by’Afrika gushyira ingufu mu bikorwa byo gusuzuma no kukingira abaturage kugirango bakumire indi nkubiri ya Covid-19.

Facebook Forum

XS
SM
MD
LG