Uko wahagera

Abanduye Ebola muri Uganda Barenze 40


Bamwe mu bakozi bo kwa muganga mu bibanza bikumirirwamwo abanduye Ebola
Bamwe mu bakozi bo kwa muganga mu bibanza bikumirirwamwo abanduye Ebola

Minisiteri y’ubuzima muri Uganda ivuga ko igihugu cyikibasiwe n’icyorezo cya Ebola n’ubgo ubu haboneka umubare muto w’abanduye. Icyorezo cya Ebola cyamenyekanye mu gihugu mu ntangiriro z'ukwezi gushize, kandi mubo kimaze guhitana harimo n’abaganga.

Amakuru y’imibare misha y’abanduye icyorezo cya Ebola yasohowe kuri uyu mugoroba na ministeri y’ubuzima, avuga ko kugeza ubu abantu 44 ari bo bamaze kwandura icyorezo cya Ebola kuva aho cyatangarijwe mu gihugu mu ntangiriro z'ukwezi gushize. Icyorezo kimaze guhitana abantu icumi, uyu munsi minisiteri yatangaje ko abandi bantu bane banduye iyi ndwara bakize kandi akaba basezerewe mw’ivuriro.

Minisitiri w’ubuzima Dr. Jane Acheng avuga ko hari abandi barwayi bazasezererwa bamaze gukira umusi ku musi wa gatanu. Abakozi bo mu buvuzi banduye iyi ndwara, minisiteri ivuga ko bayibonye ubwo bavuraga umurwayi wa mbere, bitaramenyekano ko yanduye ebola.

Minisitiri arakomeza akagira inama abantu gutanga kwihutira kw’ivuriro hakiri kare baramutse bagaragaje ibimenyetso bya Ebola kuko kujya kwivuza hakiri kare byongera amahirwe yo gukira iki cyoreza kidafite umuti wihariye wagenewe kukivura cyangwa urukingo.

Mu bantu icumi bapfuye bazize icyorezo kugeza ubu, harimo abaganga, umwe muri bo akaba yarakomokaga muri Tanzaniya akaba yarigaga amasomo y’ubuvuzi muri Uganda. Undi mukozi w’ibyo mu buzima nawe akaba yarapfuye ejo ku wa gatatu.

Minisitiri yemeje kandi ko hashyizweho imiti mishya yifashijwa mu kuvura indwara ya Ebola kandi bizeye ko izafasha kinini mu buvuzi bw'iki cyorezo. Umuryango mpuzamahanga wita ku buzima n’abaganga batagira umupaka na bo bohereje abakozi kugira ngo bafashe Igihugu mu kurwanya iki cyorezo, kandi akaba byashyizeho imyanya idasanzwe icyungirwamo abarwayi ku mavuriro atandukanye.

Minisiteri yatangaje ko OMS yazanye ibindi bikoresho by'ubuzima, ndetse na miliyoni ebyiri z'amadolari yo gufasha kurwanya iki cyorezo kugira ngo kitakwirakwira no mu bihugu by’ibituranyi. Minisiteri ivuga kandi ko icyorezo cy’ubgoko bwa Ebola Sudan kimaze kugera mu turere dutanu twa Mubende, Kagadi, Kasanda, Kyegegwa, na Bunyangabu.

Facebook Forum

XS
SM
MD
LG