Abakozi bakorera mu bisata bitandukanye ku bibuga vy'indege vyo mu Bufaransa bari muri yegereyegere. Abakozi bo mu bisata bitandukanye vyo ku bibuga vy’indege bahagaritse akazi basaba kongerwa imishahara no kongereza abakozi baza kubasahiriza.
Ingendo z’indege zasibijwe muri rusangi bivuye kuri iryo hagarikwa ry’akazi zigera ku gihumbi, zirimwo izari guharuka ziva mu Bufaransa zerekeza mu bindi bihugu, n’izari kuva mu bindi bihugu zerekeza mu Bufaransa. Zimwe muri Sosiyete zahagaritse indege nyishi harimwo Air France yahagaritse ingendo zigera ku 400 mu 800 vyari bitegekanijwe ko ikora uno munsi.
Mu bibuga vy’indege Ubufaransa bufise, 16 hatanzwe servisi zibayabaye, ivyugawe burundi ni ikibuga c’indege c’igisagara ca Montpellier, La Rochelle, Rennes na Melun.
Facebook Forum