Umuyobozi w’ishami rya ONU ryita ku buzima, OMS, avuga ko umubare w’impfu zituruka kuri virusi ya corona mu cyumweru gishize wari ku gipimo cyo hasi cyane kuva icyorezo gitangiye mu kwezi kwa gatatu umwaka wa 2020.
Mu nama yagiranye n’abanyamakuru, umuyobozi wa OMS, Tedros Adhanom Ghebreyesus, yavuze ko isi itari yari igeze iba mu mwanya mwiza mu bijyanye no guhagarika icyorezo.
Yagize ati: “Ntabwo twari twarigeze tuba mu mwanya mwiza mu gusezerera icyorezo. Ntitwari twagera aho dushaka, ariko hari urumuri rutwereka ko kiri hafi kurangira”.
Muri raporo yaryo isohoka buri cyumweru ku cyorezo, ishami rya ONU rishinzwe ubuzima OMS, ryavuze ko impfu zifite aho zihuriye na COVID zagabanutse kuri 22 kw’ijana mu cyumweru gishize, ubwo hatangajwe abantu barenga gato 11.000 kw’isi hose.
Cyakora OMS ikomeje kuburira ko kuba gupima bigenza amaguru make kimwe n’uburyo bwo gucunga iyo ndwara, bisobanuye ko hari abarwayi benshi batamenyekana.
Facebook Forum