Uko wahagera

Argentine: Visi Perezida Fernandez de Kirchner Yarusimbutse


Umugabo watunze imbunda Visi Perezida wa Australia Cristina Fernandez de Kirchner

Visi Perezida w’Argentine, Critsina Fernandez de Kirchner, yarusimbutse nyuma y’uko umuntu agerageje kumurasa mu mugoroba w’ejo kuwa kane.

Fernandez yari akikijwe n’abamushyigikiye hanze y’inzu ye, ubwo yari atashye nyuma y’umunsi yari amaze mu rukiko. Ni bwo umugizi wa nabi yamutunze imbunda, ariko isasu rinanirwa gusohoka.

Perezida Alberto Fernández, utagira icyo apfana na Critsina Fernandez, yavugiye kuri televisiyo y’igihugu ko ubwicanyi bwageragejwe “Ari cyo gikorwa kibi gikomeye kibaye kuva igihugu cyongeye kubona demokarasi” mu mwaka 1983 kandi yacyamaganye.

Videwo, isoko yayo itabashije kumenyekana, igaragaraho umuntu agerageza kurasa bikanga, aho imbunda yakoze hafi ku gahanga ka vice perezida. Ni videwo yakwirakwijwe ku mbuga nkoranyambaga. Mu minota mike, abayobozi bari bamaze gufata uwo mugabo wari ugerageje kurasa.

Abambari be, batangajwe n’ibyabaye, nk’uwagize ati: “Nari mpari, twarimo gusuhuza Cristina ubwo byabaga. Bwa mbere sinamenye ibirimo kuba, ariko numvise urusaku ubwo umugabo yagerageje gukoresha imbunda, ntarasobanukirwa ko ari yo kugeza abashinzwe umutekano bamusimbukiyeho”.

Visi perezida yari yasubiye mu rukiko ejo kuwa kane, aho ashinjwa ruswa avugwaho, yo mu gihe yari perezida w’Argentine, kuva mu 2007 kugeza muri 2015. Abashinjacyaha basabiye Fernandez imyaka 12 y’igifungo. Ibyaha byose arabihakana.

Facebook Forum

XS
SM
MD
LG