Uko wahagera

Libiya: Habaye Imirwano Ikaze mu Murwa Mukuru i Tripoli


Imodoka zangijwe n'imirwano

Imirwano ikaze yaraye yadutse i Tripoli mu murwa mukuru wa Libiya hagati y’impande zitavuga rumwe muri icyo gihugu. Urusaku rw’amasasu n’urw’ibibunda bya rutura rwumvikanye mu murwa kugeza kuri uyu wa gatandatu.

Ababibonye bavuga ko imirwano yabereye mu mujyi wa Tripoli rwagati nyuma y’uko itsinda rimwe ry’umutwe w’abasirikare bafatwa nk’abarusha abandi ingufu, rishotoye irindi tsinda bahanganye.

Uruhande rushyigikiye leta y’ubumwe ikorera i Tripoli n’urundi rushyigikiwe n’abadepite bo mu burasirazuba bitanye ba mwana kuri icyo gitero. Ubwoba bukomeje kuba bwinshi mu baturage ba Libiya ko uku kutumvikana gushobora kubyara intambara yagutse ikora ku gihugu cyose.

Ingabo z’Umuryango w’Abibumbye muri Libiya zavuze ko zitewe impungenge n’iyo mirwano, zitangaza ko hari ibice bimwe na bimwe bituwe n’abasivili benshi byarashwemo ibisasu bya rutura.

Facebook Forum

XS
SM
MD
LG