Uko wahagera

Liberiya Yahagaritse Abayobozi Amerika Irega Ruswa


Perezida George Weah wa Liberiya

Perezida wa Liberiya, George Weah, uyu munsi kuwa kabiri yahagaritse abayobozi batatu muri guverinema ye bazira gushinjwa ibyaha bya ruswa no kunyereza umutungo wa Leta. Uko ari batatu bashizwe mu majwi na Leta zunze ubumwe z’Amerika.

Ibyo bihano birareba, Nathaniel MCGill, umukuru w’abakozi mu biro bya Perezida Weah, umushinjacyaha mukuru wa Liberiya, Syman Syrenius Cephus na Bill Twehway, umuyobozi w’urwego rw’igihugu rushinzwe ibyambu, nk’uko umuyobozi ushinzwe ikigega cy’Amerika, yabivuze ejo kuwa mbere.

Yavuze ko mu byo abo batatu bavugwaho uruhare mu bijyanye na ruswa, harimo kwigarurira imitungo ya Leta, gufata imitungo bwite mu nyungu zabo cyangwa kwakira bitugukwaha.

Perezida Weah, yavuze mw’itangazo ko yasuzumye ibyo abo bayobozi bavugwaho, abifata “nk’indengakamere” kandi ko yahise abahagarika ku mirimo, bityo bakazabasha gukorwaho iperereza. Imirimo yabo izakomezwa n’abari babungirije.

Ibiro ntaramakuru Reuters dukesha iyi nkuru, ntibyabashije guhita bibona abo bayobozi batatu ngo bagire icyo babivugaho.

Facebook Forum

XS
SM
MD
LG