Umugambwe uri ku butegetsi muri Senegal watangaje ko ari wo watsinze amatora y’abashingamateka inyuma y’aho ibiharuro vya mbere, bisohowe ku musi w’Imana.
Uwahoze ari umushikiranganji mukuru, Aminata Toure, ayoboye urunani rw’imigambwe icuditse n’uwuri ku butegetsi, yatangaje kuri televiziyo y’igihugu ko umugambwe wiwe watsinze n’amajwi menshi mu bice vyinshi bigize intara z’ igihugu.
Yagize ati: Twatsinze mu ntara 30, tukibutsa ko igihugu kigizwe n’intara 46. Ni ukuvuga rero ko bitomoye. Yamara ejo ku musi wa mbere, urunani rw’imigambwe itavuga rumwe na reta rwarasohoye itangazo ruvuga ko ari rwo rwatsinze amatora mu ntara nyinshi z’igihugu.
Ku musi wa gatanu w’iyi ndwi niho hazomenyekana ibizoba vyavuye mu matora y’intara zose zigize igihugu. Igihugu ca Senegal kizwi nka bimwe mu bihugu bifise demokarasi zitekanye muri Afrika. Yamara hariho amakenga ko Prezida Macky Sall atariko aremeza ku mugaragaro ko atazokwitoza mu mwaka wa 2024 kuko ibwirizwa shingiro risanzwe ritabimurekurira.
Facebook Forum