Uko wahagera

Covid 19: Amerika Yemeje Urukingo rwa Novavax ku Bantu Bakuru


Urukingo rwa Covid 19 rukorwa nisosiyete ya Novavax

Ikigo cy’Amerika gishinzwe ibiribwa n’imiti FDA, ejo kuwa gatatu cyemeje urukingo rwa COVID-19 rw’isosiyeti y’inyamerika, Novavax, ku bantu bakuru.

Ibi bihaye Abanyamerika andi mahitamo ku rukingo rwa COVID-19. Stanley Erick wa Novavax, yagize ati: “Bityo rero, FDA yaduhaye uburenganzira bwo gukoresha mu bihe byihutirwa urukingo rwacu n’uburenganzira bwo gutanga doze ebyiri, bwa mbere ku bantu bakuru bose barengeje imyaka 18 y’amavuko. Mu byo twiteze mu biganiro na FDA ni uko nyuma tuzagura ibijyanye n’ikoreshwa ry’urwo rukingo rukagera no ku bangavu n’ingimbi, hakazaba harimo n’urukingo rwo gushimangira urwa mbere mu gihe bagisuzuma imibare bafite”.

Isosiyete Novavax ifite ubunararibonye mu bijyanye n’inkingo kurusha iza Pfizer n’iza Moderna zakoreshejwe kugeza ubu mu kurinda Abanyamerika.

Inzobere ziteze ko miliyoni z’abantu batari bikingiza, bazabikora. Ikigo gishinzwe kurinda indwara no kuzikumira cy’Amerika, CDC, kizagomba gutanga amabwiriza ku buryo urukingo rwa Novavax ruzakoreshwa mbere y’uko rutangira gutangwa. Leta zunze ubumwe z’Amerika yamaze kugura doze miliyoni 3 n’ibihumbi 200 z’urwo rukingo.

(VOA News)

Facebook Forum

XS
SM
MD
LG