Uko wahagera

Goma: Imyigaragambyo y'Abanyekongo Bamagana u Rwanda


Igitondo kyo kuri uyu wa gatatu cyari kidasanzwe mu mujyi wa Goma. Amaduka, amasoko, transporo n’ibindi ntacyakozwe kubera iyi mwigaragambyo yateguwe n’abahagarariye sosiyete sivile.

Abari mu mashyirahamwe y’abagore nabo bitabiriye iyi myigaragambyo bavuze ko barushye kwongera imibare y’abapfakazi b’abasirikare ba Kongo ubo nabo baje gushigikira ingabo zabo. Gusa, banazifitiye ubutumwa. Uyu ni Isabelle Pendeza uhagarariye umuryango wita ku iterambere ry’abagore (CAFED).

Niba mu ntangiriro iyi myigaragambyo yari ifite izo ntego zavuzwe haruguru, hari aho yageze igafata indi ntera. Bamwe mu bari bayitabiriye harimo n’abarwanira impinduka nk’ishyirahamwe Lucha, Filimbi n’abandi. Bo bumvikanishije ko bamagana imfashanyo u Rwanda rukomeje guha inyeshamba z’umutwe wa M23. Jimmy Nzialy ni umwe muri bo.

N’ubwo abo bumvikanisha ibirego bashinja igihugu cy’u Rwanda n’ingabo zacyo, Prince Mundenga ni umunyapolitike akaba ari n’ikimuga nawe yari mu myigaragambyo. Ku bwe, intambara ntacyo yakemura. Ahubwo arahamagara abaperezida ba Congo n’u Rwanda gukemura iki kibazo mu mahoro nk’abanyafurika.

Iyi myigaragambyo yatangiriye ku biro by’intara ya Kivu ya Ruguru, ahazwi nko kuri Petite Barriere na Grande Barriere ku mupaka wa Kongo n’u Rwanda. Aha rumwe mu urubyiruko rwashakaga kwambuka mu buryo bwose ngo rujye kurwana mu Rwanda ariko polisi irabatatanya. Kuva ku gicamunsi imyigaragambyo yacogoye akazi n’ibindi byose bikomeza uko bisanzwe mu mujyi wa Goma.

Facebook Forum

XS
SM
MD
LG