Uko wahagera

Inama z'Abasivile n'Abasirikare muri Sudani


Umwe mu bakoze imyiyerekano yiyamiriza kudeta muri Sudani
Umwe mu bakoze imyiyerekano yiyamiriza kudeta muri Sudani

Urugaga rw’amashyaka ya gisivili atavuga rumwe n’ubutegetsi muri Sudani, rwatangiye kugirana inama zitari ku mugaragaro n’igisilikare.

Bahujwe na Leta zunze ubumwe z’Amerika n’Arabiya Sawudite. Iyo nama ni iya mbere ikozwe muri ubwo buryo, kuva igisilikare gifashe ubutegetsi muri Sudani mu mwaka ushize wa 2021.

Urwo rugaga ruzwi nka Forces of Freedom and Change (FFC) rwemeranyijwe “bitari ku mugaragaro” guhura n’igisilikare “bakaganira ku cyatuma ibijyanye na Kudeta yo kw’italiki ya 25 y’ukwezi kwa 10 birangira” kandi ubutegetsi bugasubizwa urugaga rw’amashyaka ya politiki ya gisivili”. Byatangajwe n’ishyaka Sudan’s Congress Party, mw’itangazo ry’ejo kuwa kane.

Kudeta yakuyeho isangira ry’ubutegetsi ryari ryumvikanyweho mu 2019 n’amashyaka ya politiki ya gisivili, nyuma y’uko Perezida Omar al-Bashir akuwe ku butegetsi. (Reuters)

Facebook Forum

XS
SM
MD
LG