Reta zunze ubumwe za Amerika yatangaje agashimwe k’umuriyoni umwe w’amadolari ku muntu wese azotanga amakuru ashobora gutuma hafatwa abanyakenya babiri baronderwa ku vyaha vy’ukudandaza ibiyayuramutwe n’ibiva ku bikoko vyo mw’ishamba.
Ibigo bijejwe umutekano muri Kenya biriko birarondera abo bagabo babiri bazwi ku mazina ya Badru Abdul Aziz Saleh na Abdi Hussein Ahmed.
Uwurongoye ikigo gikora amatohoza muri Kenya, George Kinoti, yavuze ko abo banyakenya babiri bagirizwa urwo rudandazwa rw’agaciro kangana amamiliyoni y’amadolari.
Kinoti yavuze ko bagize uruhara mu kwunguruza, gutanga no kwinjiza muri Reta zunze ubumwe za Amerika amatoni 190 y’amahembe y’inzovu bayakuye mu bihugu bitandukanye vya Afrika, birimwo na Kenya. Bakuye muri Kenya urumogi rwo mu bwoko bwa heroin rungana n’ikilo kimwe barwinjiza muri Amerika.
Mu kwezi kw’indwi 2020, uwundi akekwako urwo rudandaza, Abubakar Mansur Mohammed Surur, yarafashwe arungikwa muri Amerika.
Facebook Forum