Abimukira Batatu Bibiye mw'Ibahari muri Tuniziya

Muri Tuniziya, abajejwe gucungera inkengera z’ibaharai batoye ibiziga vy’abimukira batatu, bongera barokora abandi 250

Abajejwe umutekano muri ico gihugu babwiye itororokanirizo ry’amakuru ry’Abongereza, Reuters, ko ibiziga vy’abo bimukira batatu bari mu bwato bwazamye vyatowe ku nkengera y’ibahari.

Batangaje kandi ko barokoye abandi bantu 250 ejo ku musi wa gatatu mu bikorwa bitandukanye barimwo vyo gucungera umutekano.

Ayo makuru yatanzwe na Liyetena- Coloneli Ali Ayari ari mu bajejwe gucungera inkengera y’ibahari avuga ko 240 muri abo bantu batabawe n’iyo mivyimba y’abantu batatu yatowe vyari ivy’Abanyafrika.