Uko wahagera

DRC: Abahitanywe n'Igitero Bikekwa ko Cakozwe na CODECO Barenze 100


Bamwe mu barwanyi ba CODECO

Abantu barenga ijana bishwe mu gitondo co ku cyumweru tariki 8 gicurasi mu mudugudu wa blankete ahacukurwa amabuye y’agaciro hafi y’akarere ka Djugu mu ntara ya Ituri mu burasirazuba bwa Republika ya Demokrasi ya Kongo n’abakekwa kuba ari inyeshamba za CODECO. Ibi bikaba byagize yuko mu ntara yose akazi n’ibindi bitagenda neza kuri uyu wa mbere.

Iki gitero kyatangiye mu ma saa kumi za mu gitondo kugeza hafi saa kumi n’imwe n’igice muri uyu mudugudu umaze iminsi utabamo polisi n’ingabo z’igihugu mu karere ka Djugu hahora haba imirwano hagati y’inyeshamba za (koperative riharanira iterambere) Cooperative du developpement du Congo, CODECO, n’ingabo z’igihugu kubera amabuye y’agaciro ahacukurwa.

Abaturage, n’abanyapolitiki baravuga ko ingaruka z’iki gitero ziteye ubwoba kuko n’amazu yatwitswe. Aba babona ko ari ubutumwa bunini kuri guverinoma, kandi bo bagira ngo igisubizo gikomeye kyazana amahoro mu ntara yose ya Ituri ku byumwihaliko i djugu.

Nyuma yuko Perezida wa Republika Bwana Felix Antoine Tshisekedi amaze guhana iki gikorwa mu gitangazo kyatugezeho, guverinoma y’intara irasaba abaturage kuba maso, no kwitonda kuko ingabo z’igihugu ziri gukurikira hafi iki kibazo.

Muri ako gace ka Ituri hahora haba imirwano buri gihe hagati y’imitwe z’inyeshamba zirenga icumi zihatuye kubera amabuye y’agaciro ahaturukira, ibi bikaba bigora ingabo z’igihugu kuhafata umwanya, urugero n’uko aba bantu bishwe batatabawe n’izo ngabo z’iguhugu.

Inkuru ya Ali Assanka akorera Ijwi ry'Amerika muri Kongo

please wait

No media source currently available

0:00 0:04:12 0:00

Facebook Forum

XS
SM
MD
LG