Uko wahagera

Abaperezida b'Uburusiya na Ukraine Bombi Bazajya mu Nama ya G -20


Abakuru b’ibihugu by’Uburusiya na Ukraine bombi bazajya mu nama y’ibihugu 20 bya mbere bikize ku isi, G20, mu kwezi kwa cumi na kumwe gutaha.

Inama izabera mu mujyi wa Bali, mu gihugu cya Indoneziya. Uburusiya bwa Perezida Vladimir Putin bwo buri mu bihugu bigize G20, ariko Perezida Joko Widodo, uzakira inama, yatumiye na Perezida Volodymyr Zelenskyy, n’ubwo Ukraine yo itari muri G20. Yabitangaje mu ijambo yavugiye kuri televiziyo ya leta y’igihugu cye.

Perezida Widodo yasobanuye ko yavuganye kuri telefone na bagenzi be bombi Putin na Zelenskyy muri iki cyumweru, abasaba kurangiza intambara vuba binyuze mu mishyikirano. Ntiyavuze niba azabahuza ku ruhande rw’inama yo mu kwezi kwa 11, ariko yatangaje ko Indoneziya yiteguye gutanga umusanzu wo gushaka amahoro hagati y’Uburusiya na Ukraine.

Umukuru w’igihugu cya Indoneziya yongeyeho ko yatumiye abayobozi b’Uburusiya na Ukraine kubera ko intambara irimo igira ingaruka mbi zikomeye ku bukungu bw’isi yose kandi ari G20 ifite inshingano zo kubuzahura.”

Facebook Forum

XS
SM
MD
LG