Uko wahagera

ONU: Ibimenyetso vy'Ivyaha vy'Intambara muri Ukraine Vyiyongereye


Michelle Bachelet, Komiseri mukuru w'ishami rya ONU rishinzwe uburenganzira bwa mutu,

Umuryango w'Abibumbye uratangaza ko ibimenyetso by'ibyaha by'intambara bigenda byiyongera muri Ukraine. Komiseri mukuru w'ishami rya ONU rishinzwe uburenganzira bwa mutu, Michelle Bachelet, arega impande zombi, ariko cyane cyane Uburusiya.

Yatangaje ko "ingabo z'Uburusiya zirasa ibisasu biremereye zitarobanuye, bikica abasivili kandi bigasenya amashuli, ibitaro, n'ibindi bikorwa-remezo bya gisivili." Ati: "Ibi bishobora kwitwa ibyaha by'intambara."

Naho ku bireba Ukraine, ONU ivuga ko ingabo zayo nazo zishobora kuba zirasa mu burasirazuba bw'igihugu nazo zitarobanuye. Bityo, kuva Uburusiya bugabye intambara kuri Ukraine ku itariki ya 24 y'ukwa kabiri gushize kugera ejobundi kuwa gatatu tariki ya 20 y'uku kwezi, Ishami ry'Umuryango w'Abibumbye rishinzwe uburenganzira bwa muntu ryari rimaze kubarura abantu 2,345 bishwe n'abandi 2,919 bakomeretse.

92.3% ni abo mu gice kigenzurwa na leta ya Ukraine. Naho 7.7% ni abo mu turere twa Donetsk na Luhansk tugenzurwa n'ingabo z'Uburusiya n'imitwe bafatanyije. Uburusiya buhakana kurasa abasivili. Bachelet avuga ko bazi neza ko iyi mibare izakomeza kwiyongera uko "amarorerwa" nayo agenda aba menshi. Ishami ry'Umuryango w'Abibumbye rishinzwe uburenganzira bwa muntu rifite ibiro muri Ukraine kuva mu 2014.

Facebook Forum

XS
SM
MD
LG