Uko wahagera

Ubushinwa Burasaba USA Gutsura Umubano w'Ibihugu Byompi


Wang Yi

Umukozi mukuru mu bya dipolomasi y'Ubushinwa yasabye Amerika gutera intambwe zo gutsura umubano mu gihe ubushyamirane hagati y'ibihugu byombi ku kibazo cya Taiwan, ubucuruzi n'ibindi bibazo bitangiye kugenza amaguru make.

Ministri w'ububanyi n'amahanga w'Ubushinwa, Wang Yi, yabivuze akoresheje uburyo bw'iya kure mu ijambo yagejeje ku bateraniye mu nama yo kwizihiza isabukuru y'imyaka 50 ishize hasinywe itangazo rya Shanghai ryashyizweho umukono na Richard Nixon wari perezida w'Amerika mu 1972.

Urwo ruzinduko rwatumye hatangira umubano ushingiye kuri dipolomasi hagati y'Ubushinwa n'Amerika. Wang Yi yavuze ko Ubushinwa noneho bwasabye Amerika kwita ku buryo bufatika ku bisabwa n'Ubushinwa mu mikorere yabwo.

Umwe mu bitabiriye iyo nama, Jacob Lew, wahoze ari ministri w'imali w'Amerika, yavuze ko umubano hagati y'ibihugu byombi wahungabanywa gusa n'uko habuze ubushake bwo kubahiriza ibisabwa n'amategeko mpuzamahanga.

Facebook Forum

XS
SM
MD
LG