Mu kwezi giheze, mu gusozera akaruhuko k’ibikogwa vya reta yari arimwo umukuru w'igihugu c'Uburundi Evariste #Ndayishimiye yaragendeye abavuzi b'#Ingoma bo mu ntara ya #Gitega mu kibanza c’imico kama y’igihugu ca #Gishora. Yaravugije ingoma kumwe n’umugwi waho. Hari bamwe mu Barundi bashimye uburyo yifatanije n’abavugiji b’ingoma mu kwerekana akamaro n’ikibanza kinini ingoma zifise mu karanga k'uburundi. Ariko hari n’abandi bavuga ko batahimbawe n’uko umukuru w’igihugu yavugije ingoma mu gihe babona ko ari we yarakwiye kuzivugirizwa. Ni vyo tuganira muri #Murisanga