Mu Rwanda, Urukiko rwisumbuye rwa Huye mu ntara y’amajyepfo y’igihugu rwasubitse iburanisha ry’ urubanza ubushinjacyaha buregamo Beatrice Munyenyezi ibyaha bya jenoside. Uregwa n’ubwunganizi bazamuye ibyifuzo birimo no gusaba iburanisha ry’ibanze. Bamwe mu Banyarwanda baba hanze y'u Rwanda bamaze gushyiraho ikigega kigamije gufasha abaharanira uburenganzira bwa muntu mu Rwanda. (Fonds pour les Rwandais defenseurs des droits de la personne (FRDP). Leta zunze Ubumwe z’Amerika yizihije kuri uyu wa mbere umunsi wahariwe Martin Luther King Jr. umupasiteri w’umwirabura wabaye ikirangirire ku isi ufatwaho urugero mu guharanira uburenganzira bwa Muntu.