Uko wahagera

Inama Mpuzamahanga ku Kibazo cya Libiya Irabera i Paris


Visi-Perezida Kamala Harris w'Amerika mu nama i Paris mu Bufaransa

Uyu munsi, i Paris mu Bufaransa harimo harabera inama mpuzamahanga kuri Libiya. Inama igamije gushishikariza Abanyalibiya kubahiriza itariki y'amatora nk'uko iteganyijwe.

Inama ihuje abakuru b'ibihugu bagera kuri 30, barimo uw'Ubufaransa na Libiya, Ubudage, Ubutaliyani, Misiri, Cadi, na Visi-Perezida Kamala Harris wa Leta zunze ubumwe z'Amerika. Umunyamabanga mukuru w'Umuryango w'Abibumbye, Antonio Guterres, we arafata ijambo akoresheje ikoranabuhanga rya videwo.

Uburusiya bwohereje minisitiri w'ububanyi n'amahanga Serge├» Lavrov, naho Turkiya ihagarariwe na minisitiri wungirije w'ububanyi n'amahanga, Sedat ├ľnal. Perezida w'Ubufaransa, Emmanuel Macron, yifuzaga ko abakuru b'ibibi bihugu bibiri biyizira mu nama ubwabo. Kuba batagiye i Paris, nk'uko ikigo ntaramakuru Reuters cyo mu Bwongereza kibivuga, bishobora kuba bisobanuye, ahali, ko bafite umwete muke wo gukura abasilikare n'abacanshuro babo muri Libiya.

Ikibazo cy'abasilikare n'abacanshuro b'abanyamahanga bari muri Libiya nacyo kiri ku murongo w'ibyigwa mu nama y'i Paris. ONU ivuga ko bagera ku bihumbi 20, barimo Abarusiya, Abanyasiriya, Abanyasudani, Abanye-Tchad, Abanyaturkiya, n'abo muri Emira z'Abarabu zunze ubumwe, kandi ko kiri mu bibangamiye amatora.

Umushinga w'umwanzuro w'iyi nama uvuga ko amahanga azafatira ibihano umuntu wese cyangwa igihugu icyo ari cyo cyose kizatobera amatora y'inteko ishinga amategeko n'umukuru w'igihugu cya Libiya, ateganyijwe ku italiki ya 24 y'ukwezi gutaha.

Facebook Forum

XS
SM
MD
LG