Kuri uyu wa gatanu, i Kigali mu Rwanda, hateganijwe cyamunara yo kugurisha hoteli y’umuryango wa Assinapol Rwigara. Urukiko rukuru rw’Ubucuruzi rwemeje iyo nzu igurishwa kubera umwenda uvugwa ko uwo muryango ufitiye banki yitwa COGEBANK.
Uwashinzwe kugurisha inzu y’umuryango wa Rwigara, Me Michel Hitiyarenye, yabwiye umunyamakuru w'Ijwi ry'Amerika, Venuste Nshimiyimana, ko cyamunara ikorwa igihe nta cyemezo arabona cy’umucamanza kimubuza kugurisha iyo inzu.
Umuryango wa Rwigara uvuga ko nta mwenda ufitiye iyo banki kandi ko ubifitiye gihamya. Urubanza rw’ubujurire busaba ihagarikwa ry’iyo cyamunara rwari ruteganijwe kuri uyu wa kane rwimuriwe kuwa mbere, ariko cyamunara iraba kuri uyu wa gatanu. Adeline Mukangemanyi Rwigara yabibwiye umunyamakuru Venuste Nshimiyimana ko bumijwe n’icyo cyemezo.
Facebook Forum