Uko wahagera

Indoneziya Izarekura Abu Bakar Bashir kuwa Gatatu


Abu Bakar Bashir mw'ifoto yafashwe mu kwa Gatatu 2018 agiye kwivuza i Jakarta.
Abu Bakar Bashir mw'ifoto yafashwe mu kwa Gatatu 2018 agiye kwivuza i Jakarta.

Indoneziya yiteguye kurekura Abu Bakar Bashir wari inyuma ya bombe zatewe i Bali mu 2002.

Guverinema ya Indoneziya, uyu munsi kuwa mbere, yavuze ko Abu Bakar Bashir, azafungurwa mu mpera z’iki cyumweru, ubwo azaba arangije igihe cye cy’igifungo.

Bashir w’imyaka 82 y’amavuko, yari umwe bantu b’intagondwa zikabije, akaba yarafatwaga nk’umuyobozi mu bijyanye n’idini, wa Jemaah Islamiah cyangwa JI mu magambo ahinnye, umutwe ukorana na al Qaida. Yafunzwe mu mwaka wa 2011 mu bifitanye isano n’imyitozo yahabwaga abarwanyi mu nkambi zo mu ntara ya Aceh.

Bashir azarekurwa kuwa gatanu, ubwo azaba arangije igihano cye nk’uko Rika Aprianti, umuvuzigi w’amagereza abivuga.

Bashir yahakanye uruhare mu bitero bya bombe i Bali.

Umutwe wa Jemmah Islamiah, warezwe gucura umugambi w’ibitero byinshi muri Indoneziya no gutoza abarwanyi muri Afuganistani, Pakistani no mu majyepfo ya Filipine.

Abayoboke ba JI, barezwe ibitero byo mu 2002 ku nzu yo kwidagaduriramo, i Bali, ahiciwe abantu barenga 200. Muri bo harimo abanya-ostraliya benshi. Uwo mutwe wanarezwe igitero cyagabwe ku ihoteli J.W. Marriot i Jakarta cyahitanye abantu 12 mu mwaka wakurikiyeho wa 2003.

Facebook Forum

XS
SM
MD
LG