Uko wahagera

Uganda: Abazohiganwa na Museveni Batanguye Kumenyekana


Perezida wa Uganda Yoweri Museveni mu myiyamamazo yo mu 2016 i Entebbe

Abakandida batatu nibo bemejwe uno musi n'akanama gashinzwe gutegura amatora muri Uganda guhatanira umwanya w’Umukuru w’Igihugu mumatora yumwaka utaha, kwandika abazahatanira uwo mwnya birakomeza kugeza umusi wejo. Inkuru Irambuye tuyibaze Ignatius Bahizi uri muri Uganda.

Babiri mu bashakaga guhatanira umwanya w’Umukuru w'igihugu, Nancy Kalembe umutegarugori w’imyaka 34, hamwe na Katumba John w’imyaka 24 bangiwe n’akanama gashinzwe amatora kubera yuko bari batujuje ibyangobwa basabwaga.

N’ubwo aba bombi bari bemerewe mbere kuzaza kwiyandikisha uno musi kuko bari bujuje ibindi byangombwa, bananiwe kwishura miliyoni 20 z’amashilingi zingana n’amadorali 5500 zisabwa abashaka guhatanira umwanya w’umukuru w’Igihugu bose. Cyokora, baracafite amahirwa yo gutanga ayo mashilingi bakagaruka kwiyandikisha bitarenze umusu w'ejo kuwa kabiri sa kumi.

Mu bujuje ibyangombwa byose bakandikwa harimo Perezida Yoweri Tibuhaburwa Museveni, wabaye uwa mbere mu gutanga ibyo asabwa.

Abandi bujuje ibyo byangombwa ubu akaba ari abakandida bemerewe gutangira Kwiyamamaza mu gihugu cyose ni abajenerali babiri bavuye mu gisirikare, Abo ni Gen. Mugisha Muntu wabaye umugaba mukuru w’ingabo za Uganda mu gihe cy’imyaka 8 hamwe na Gen. Henry Tumukunde, wigeze kuba umukuru w’urwego rw’ubutasi bwa gisirikare.

Uko ari batatu, aba bakandida bose bagize icyo bavuga ku matora y’umwaka utaha. Gen. Henry Tumukunde wahoze akuriye ubutasi bwa gisirikare yavuze ko aramutse atowe, icyo azashyira imbere ari uguhagarika isesagurwa ry’umutungo w’igihugu.

Gen. Mugisha Muntu wakuriye igisirikare cya Uganda we avuga ko mu gihugu hagiye kubamo amahinduka akomeye.

Perezida Museveni we yihanangirije abahanganye nawe guharanira amahoro, ko uzakora ibintu bishobora guhungabanya umutekano w’igihugu azahura n’ibibazo bikomeye.

Perezida Museveni umaze imyaka 35 ku butegetsi agiye kwiyamamariza manda ya gatandatu. Abaturage ba Uganda benshi ntibavuga rumwe ku butegetsi bwe. Mu gihe bamwe bavuga ko yakoreye igihugu ibintu bikomeye kuva aho yafatiye ubutegtsi muwa 86 avuye mu rugamba rwamaze imyaka itanu arwanya ubutegetsi bwicyo gihe, cyane cyane kugarura amahoro mu gihugu hamwe n’Iterambere muri rusange.

Abandi bakavuga ko ubutegetsi bwe ari ubw’igitugu, bukandamiza uburenganzira bwa kiremwa muntu kandi bwamunzwe na ruswa.

Abandi banyapolitike bane bashaka guhatanira umwanya w’umukuru w’igihugu bazandikwa umusi w'ejo ari na wo wanyuma, nuko kwiyamamaza kuzatangira tariki 9, kandi amatora akaba ateganijwe kuzaba mu kwezi kwa kabiri k’umwaka utaha.

Facebook Forum

XS
SM
MD
LG