Covid-19 Irahombya Cyane Afrika

Kubera icyorezo cya virusi ya Corona, ibihugu by'Afrika byahombye muri aya mezi atatu ashize akayabo k'amadolari miliyari 55 mu bwikorezi bw'abantu n'ibintu, cyane cyane mu ndege, n'ubukerarugendo.
Ni urwego rw'Umuryango w'Afrika yunze ubumwe rushinzwe ibikorwa remezo n'ingufu rubitangaza. Ruvuga ko imiryango miliyoni 24 muri Afrika itunzwe n'izi nzego z'ubukungu uko ari ebyili, zingana n'10% by'umutungo mbumbe wa buri mwaka w'ibihugu by'Afrika,
Naho umuryango mpuzamahanga w'ubwikorezi mu ndege za gisivili uvuga ko ibigo by'indege byo muri Afrika bizakenera inkunga y'amadolari miliyari 20 kugirango bibashe kuzanzamuka.
Mu rwego rw'isi yoze, abantu bagera kuri miliyoni 300 batunzwe n'imilino yo mu bwikorezi bw'ndege n'ubukerarugendo bakozweho cyane bikomeye n'icyorezo cya virusi ya Corona.