Uko wahagera

ONU Yasabye ko Intambara Zihagarara kw'Isi


Nyuma y'amezi atatu y'ibiganiro n'impaka by'urudaca, inteko y'Umuryango w'Abibumbye ishinzwe umutekano ku isi noneho yatoye umwanzuro usaba ko intambara zihagarara hose ku isi igihe cy'amezi atatu (uretse izo kurwanya intagondwa n'imitwe y'iterabwoba), kugirango zihe umwanya wo kurwanya icyorezo cya virusi ya corona.

Umushinga w'uyu mwanzuro wateguwe na Tuniziya ifatanyije n'Ubufaransa. Kuwemeza byatindijwe n'Ubushinwa na Leta zunze ubumwe z'Amerika, bari barananiwe kumvikana ku byo umwanzuro ugomba kuvuga kuri OMS, Ishami ry'Umuryango w'Abibumbye ryita ku buzima.

Ubushinwa bwashakaga ko umwanzuro ushima OMS (Ishami ry'Umuryango w'Abibumye ryita ku buzima) uko yitwaye mu kurwanya Covid-19. Amerika yo ntiyabishakaga: ivuga ko OMS yabyitwayemo nabi. Ni yo mpamvu yayivuyemo. Nyuma baje kumvikana. Mu mwanzuro wemejwe, OMS ntirimo.

Abadipolomate benshi basanga uyu mwanzuro utazajya mu bikorwa kubera amakimbirane ari hagati y'ibihugu, by'umwihariko ibya rutura.

Facebook Forum

XS
SM
MD
LG