Inama ya 26 y’abakuru b’ibihugu n’aba za Leta bya Commonwealth yari iteganijwe guteranira i Kigali kuva ku itariki 22 kugeza kuya 27 z’ukwezi kwa gatandatu uyu mwaka yasubitswe kubera icyorezo cya Virusi ya Korona kitaracika.
Mu itangazo ryashyizwe ahagaragara n’umunyabanga mukuru wa Commonwealth, Patricia Scotland yavuze ko inama nk'izo zihuza abantu benshi zishobora gutera ingaruka mbi ku buzima bw'abantu muri iki gihe cy'ikiza cya COVID-19. Iyindi tariki izatangazwa igihe kigeze.
Inkuru yateguriwe n'umunyamakuru Venuste Nshimiyimana uri mu biro by’Ijwi ry’Amerika i Londres mu Bwongereza.
Facebook Forum